جناس لی قؤشما ( اؤن بیر هِجائی ؛ تُرکی قالبلریندن )

سایین دهقان نورانی جنابلاریندان

آنلیان   اِنسانین    باشینا    دؤنوم

باشیمی  قؤشموشام  مَندَه باشلارا

عارِف لَر  ؛  عالِم لَر    هَندَوریمدَه

بلکه  قسمت  اؤلا  چاتام  باشلارا

******************

نادان لار   اَلیندَن  اورَک  یارادی

سؤیلَه منه گؤروم نَدور  یار  آدی

اورَک دَه  سؤزلَریم  فقط  یارادی

کاش باخِیدی گؤزدَن آخان یاشلارا

******************

یار سینه مَه کیپریکلَرین دوزَه جَک

اَیرینی بؤشلاییب؛گِئدَک دوزَه جَک

کامِل اؤچی اؤون قؤوار دوزَه جَک

اینانگیلان سالماز  اؤزون  داشلارا

******************

بالدان  شیرین  بو  دُنیادا  بالادی

زحمت چکیر آری ؛ میلی  بالادی

نادان انسان هَر واخت باشا بالادی

واخت اِئله سَه زَهَر  قاتار  آشلارا

******************

یاز قوتاردی بویون ؛ اولوب یای ایندی

قاشی کَمان گَل چَک گیلَن یای ایندی

آت اؤخلارون ؛ سینَم اوستَه یای ایندی

بارَک الله  کَمان  کیمین  قاشلارا

******************

 ((دهقان))سَنَه قُربان اولسون آی آقا

یاپیش  اَللَریمدَن قالدیر آیاقا

قؤیما فَلَک سالسین مَنی آیاقا

باش آغاریب باخان یؤخدی یاشلارا

کاش باخالار گؤزدن آخان  یاشلارا

******************