قوجاغیندا

من جنتی پوچ ساناردیم
گولوم سنین قوجاغیندا
بی هوش اولوم قوی لال اولسون
دیلیم سنین قوجاغیندا

توتسا منی قضا قده ر
عوُمروم گونوم گئتسه هدر
خوشدور منه چکسم ایه ر
ظولوم سنین قوجاغیندا

بو نغمه نی یازا قوشوم
سنده اولان نازا قوشوم
وئر تئلینی سازا قوشوم
چالیم سنین قوجاغیندا

گه ل وعده نی بو یازا وئر
یا بهمنی گودازا وئر
هئچ اولماسا ایجازه وئر
اوُلوم سنین قوجاغیندا.

بهمن وطن اوغلو