سندن ياشيل يازيم داها سوز سالمالي دئيل

بير باخچاليق خيالينادا دالمالي دئيل

لاي –لاي دووار كيمي بوغولوب منده هاي –هاراي

نئيليم آخي كي غيرتي بورج آلمالي دئيل

قاچماق چتين اولوب آياغيم قورقوشومدادير

قالماقدا لاب چتين ، كي دوزوب قالمالي دئيل

بيزده ن ائو اولمادي كي هئچ ... ائو جيكده اولمادي

يوز ايلده گئچسه من گورورم اولمالي دئيل

تاخچامدا آسديغيم سازي چالسامدا بير قوجاق

باغريمدا آسديغيم سازي هئچ چالمالي دئيل

شيرلر شيكاري دير مئشه آهولري گولوم !

هر چاققالين ، ايتين خوره ييي يال مالي دئيل

نادير باشيندان ائيله عقيل بوركونو ، دوشون

باشماق كيمي اوره ك آياغا سالمالي دئيل

           نادير ايلاهي