تومورجوق = جوانه
تومورجوق
چکیل سه باغ دوداغین دان تیکانلی اوچوق لار
چیچک له نر بوداغ اوسته یاشیل تومورجوق لار
قه زیل پاپاق لی لاریم گوجله یب قیزیل باشی
ایاغ چیخیب باشا / دوشموش ایاغه باشلوق لار
هارای ماراق لی لارین قایریلی یاراقین دان
نظرده گوهـــــر ه بنزه ر بزه ک لی منجوق لار
دنیزلرین شورودا چیخسـا قار یاغیش نه بیلیر؟
نه لرچکیـرقورو چول لرده تشنه لب زوق لار
گوزوم یاشین چیله دیکجه آلاولانیر اوره گیم
آلازدیار سینه می عـرشه یوکسه لن بوق لار
سیزای محبت این اوغرون داغملی سئوگی لی لر
غمیزاوغورلو دوشن سین یولوزدا پانبوق لار
بویول لاری اوزو قویلو سوروندوم عمر اوزونو
نه بیـر دوشرگه نه منزل نه قول نه قوللوق لار
ملک لیگیم ارم ایم گئتدی عشقیمین شوتونا
اوخوش حیا ت, اوبساط ائیله ساده خوشلوق لار
سالیب دی کوچ قره داغ لار اوره ک مغانیندا
آرازلی گوزلری مین حسرتین چکیـر چوق لار
آماندی لب لری نین سری نی رقیبه دئمه
چاتینجـا اهلینه قالسین قیفیل لی صاندوق لار
غزل لرین یوخونو باشلارا سالیر ( یالقیـز )
دئیـرسن ارمنی * کندینده سسله نیر بوق لار
داودکیانی
اردبیل اسفند ۱۳۸۷
سوزلوک
اوچوق :تبخال
تومورجوق :جوانه
زوق :ریشه
آلازداماق : گداختن
چوق,چوع ,چیغ :نهری که از میان باغ یا کشت و یا چمن عبور کند
ونیز حصیر نی این که اطراف آلاچیق رامی پوشاند وبرای ماهی گیری هم به کارمی رود
* اشاره به تمثیل ارمنی کندی حامام بورقوسی