قانلی غزه ....
قانلی غزه ....
کهنه تیرکین لری نی ساخلایا بیلمیر شامالار
آسلانیب موهره دوواردان تله لر / تولامالار
داراشیب اوغدو ایچینده ن آغاجی مورگه نه لر
آیریلیـرپنجره لرده ن چوروموش هنجامالار
غم لی بیر گوشه ده قوللوقچی نفس دویمه ده دیر
بوغاجاق دیر اونودا دامسا / تاوان دان دامالار
گورمه یر گوز گوزو یاغمیش قارا قار کوچه لره
باشلانیب اوزده ن ایراق دالدا کسیب دوغرامالار
چکیب اوصونچوفلک گول لو اویونلار هاناسین
آرغاجی شعبده لردیر / اریشی اوینـامالار
توخویور یای گونو / غوغالی بیرآقشام چاغی نی
های هارای/ شیلتاق اوشاقلار / ده لی نی داشلامالار
داش همان داشدی همان باش دی همان قان/ قاناووز
هی ده یر باشه او داش هی آغی لار / اوخشامالار
هراوجا بویلونو سالجاق کوجویه داره چکیر
لای به لای آرغاجین آلتینـدا یاتیردیر خامالار
آنالار سینه سی ائیمیش سودامرلردن اوزاق
تا وئریب کورپه لری امزیگه عادت مامالار
کئچی نین شنگولی سین قصه ده قوردلار یئمه یر
قورداقارداش کئچی املیک قوزولاردان کام آلار
بوراسی "غزه "دی"یالقیز" باشینا گول له یاغیر
کهنه تیرکین لری نی ساخلایا بیلمیر شامالار
داودکیانی - اردبیل ۳۰/10/1387
سوزلوک
تیرکین: تیرچوبی سقف
موهره دووار:دیوارگلی
هنجاما: لولای درب وپنجره چوبی
مورگه نه: موریانه
قوللوقچو:چراغ دستی نفتی
تاوان:سقف
هانا:دارقالی بافی
آرغاج:پودفرش
اریش : تار فرش
قاناووز:نوعی پارچه که درقدیم برای بندآوردن خون استفاده می شد
آغی: مویه وزاری
کوجو:دستگاهی برای تعویض تارهای زیرورو دردارقالی بافی
دار: قاب دستگاه قالی بافی
امزیگ :پستانک
املیک:بره گوسفند