نایمید بیر شیطان دیر بیر آللاوئردی

 

یاخین زاماندا ،ایسبانجان بیر کیشی وارمیش بو زامانه دن

 انسانلاردان یوْرولموش موش بونا گؤره آروا د – اوشاقیندان

 وار دوْولتیندن ال چکرک گئدیب بیرداغ اتگینده اؤزونه بیر ساده

 ائو تیکیر اونو گؤرنلر دئییر لر کی دار دونیادان یانیندا یالنیز بیر

سازی وارایدیبیرده آزجا یئمک ایشمک قابلاری. بعضا اوْ نجار لیقدا

ائدرمیش آمما ائله اوستا بیر نجار دئییل میش گاهدان شعرده

دئیر میش آنجاق شعرلری خالقین ایچینده یاییلا یاییلمایا اوْنا

هئچ اؤنملی دئییردی او داغین اتگینده اؤزونه آغاجلار- گوللر

اکمیشدی بعضا داوشاندان- تولکو دن ده ائوینین دووروبرینده

گؤرسه نردی اوشاقلار دئیردیلر اوْنلار اونون حئیواناتلاری دیرلار

آنجاق اونون اوْلا اوْلمایا، اوْهئچ واخت حئیواناتا ضرر یئتیرمزدی.

دئییرلر اوْ ائوین تیکدیگی چاغ، ائوینین یانیندا بیر سو قویو سو دا

وورماق ایستیردی آمما داغین اتگینده اوْزامان قویو ووروب

 سو چیخارماق اوْلام سیز بیر ایش ایدی او نئچه ایشچی توتوب

 اونلارا سو قویو سو قازدیریردی اوْنلار نه قدیر قازسالاردا سو دان

خبر یوْخودو . بیر گون کندین آغ شاققالاریندان اوْلان آللاوئردی ،

اوْردان کئچیر میش  اوْنا اؤگود وئریر کی: آ کیشی بوردا سو چیخماز

 اؤزونو یوْروب پولونو داغیتما آمما بو سؤزلر اوْنون بئینینه کئچمیر

آللا وئردی بئله گؤردوکده گلیب ایشچی لری یاینیا اوْنلارا دئییر کی:

 آبالام بو کیشی آغلین آزیب بوْشونا پولون داغیدیر آخ باخین گؤرون

بوردان سو چیخارمی؟گوناه دیر سیز ال چکین گئدین . بو سؤزلر

ایشچیلرین بئیین لرینه باتیر اوْنلار ایشی بوراخیب قیراغا چکیلیرلر .

داغ کیشی سی بونلاری بئله گؤردوکده گلیب بونلارا هایقیریر:

 نایمید  اوْلمایین نایمید بیر شئیطان دیر بیرده آللا وئردی سیز قازین.

اوْنلار قازیرلار آنجاق پول توکه نیر سو چیخمیر .

او یازیق مجبور قالیب گلیب سویون کندن آپاریب داغا چیخاراردی

  سوْن زامانلار ، او قوْجالمیش دی کند اهلی اوْنا سو یئمک

آپاراردیرلار آنجاق بو مثل اوْندان قالیب بیری اؤگود لره  

قولاق وئرمه ییب ایشیندن ال چکمه ینده  دئییرلر یاخشی،

نایمید بیر شئیطان دیربیر آللا وئردی سن ایشینده اوْل

سوْنوندا او ْداغ کیشی سینین قوْجالیق چاغی،ائوی

 بیر گئجه اوْد توتور و اوْ کنده قایتماق مجبوریتنده قالیر

آنجاق کند ایچینده نئچه گوندن آرتیق یاشایانمیر او

داغینا قایتماق حسرتینده ایکن دونیاسین دگیشیر.

بو بایاتی یا اوْخشار اوْندان دیر

قویون گئدیم دره مه       اؤرک گلدی ورمه

قیزیل گوللرآچسینلار    دریم تؤکوم سلَمه
 
اؤنري آرخيوي