آنا دیلی آموزش زبان ترکی آذری

قیش گلدی شاختا آلدی اله تازیانه سین

گوللر سارالدی توکدو بوتون برگ و دانه سین

داغلار دوماندی گوز  گوزو گورمور گزیر سونا

اوز دیمدیگیله ایشله دیگی آشیانه سین

بولبول اوزعادت ائتد یگی گولزاری آختاریر

نه گوللرین اوزون  گورورو نه نشانه سین

قارغا قونوب آغاج باشینا صحبت ائیله ییر

قمری دوشونده گیزله  دیب اوز غم ترانه سین

بیر دسته قارغایا قوشولوب عندلیب لر

آلقیشلامیر آدام قارا گلمیش زمانه سین

قلبیم دولوبدو ساقی سن آللاه شراب وئر

مطرب ده سازلاسین یئنه چنگ و چگانه سین

بیر اولکه ده کی میلته آزادلیق اولماسین

نئیلر آدام او اولکه ده قارون خزانه سین

آل با شیمی دیزاوستونه زلفین توک اوستومه

قوی گوز گوزه دئییم سوزومون عاشقانه سین

هرکیم صداقت ایله گئتمدی سیندیردی شانه سین

سن عزیزیم ده بوتون اهل دیل کیمی

خوش ذووق لر سئویر غزلین عارفانه سین