آنا دیلی آموزش زبان ترکی آذری

مشق یازان اوشاقلار

خوخاننازین باجیسی خوخانقیز هئچ بیزه مهریبان دئییل. بیز بوگون اونا چوخ کؤمک اولدوق آما او بیزه ساواشدی. بیلمیرم بعضی خوخانلار نیه بیر بئله آز مهرباندیرلار؟ بیز اونا گل بیزیمله اوینا دئدیک. دئدی:«یوخ مشقلریم قالیر.» نه‌قدر یالواردیق گلیب اوینامادی. سونرا بیز اؤزوموز اویناماغا باشلادیق او دا مشقلرینی یازیردی. آرادا آناسی اونو بیر ایشه چاغیردی. من خوخاننازا دئدیم:« گل بو قیزین مشقلرینی یازیب اونو سئویندیرک.» خوخانناز اوّل راضی اولماییب دئییردی:« آنام منه تاپشیریب باجیمین دفترلرینه ال دَیمه‌یم.» من دئدیم:« سن یازماسان من یازارام قورتولار او تک منله اوینار هاا». ایشلری بؤلدوک: خوخانناز ریاضی دفترینین باشیندا اؤتوروب جمع- تفریقلری یازماغا باشلادی، من ده آچیق مشق دفترینین باشیندا اوتوروب قاباغینداکی کیتابدا اولان خطلری اورا یازماغا باشلادیم. بیز چوخ سئویردیک گئدیب اوینایاق آما اوره‌ییمیزدن گلمیردی یولداشیمیز خوخانقیز تک قالسین اونا گؤره ده یئیین یئیین نم نقدر مشق یازدیق. آما خوخانقیز حیطه گلیب بیزی گؤرنده سئوینمه‌دی هئچ بیر آز دا بیزه ساواشدی. آخی نیه بعضی خوخانلار مهربان اولمورلار؟!